میں کہ گفتار کا ماہر تھا جہاں دیدہ تھا

میں کہ گفتار کا ماہر تھا جہاں دیدہ تھا

لوگ سنتے تھے مری اور سناتے بھی تھے

اپنے دکھ درد میں ڈوبی ہوئی ساری باتیں

مسئلہ کون سا ایسا تھا جسے حل نہ کیا

آج بھی بھیڑ تھی لوگوں کی مرے چاروں طرف

میں نے ہر ایک کو باتوں میں سکوں یاب کیا

پھر کوئی دور سے دیتا ہے صدا کون ہو تم

آئے ہو کون سی نگری سے ذرا نام تو لو

نام تو میں نے بتایا اسے فوراً اپنا

اور میں کون ہوں آیا ہوں میں کس نگری سے

میں نے جب خود سے یہ پوچھا تو مسلسل چپ تھی

چاروں اطراف میں صدیوں کی مقفل چپ تھی

main ke guftar ka mahir tha jahan dida tha

log sunte the miri aur sunate bhi the

apne dukh dard mein dubi hui sari baten

masala kaun sa aisa tha jise hal na kiya

aj bhi bhir thi logon ki mire charon taraf

main ne har ek ko baton mein sukun yab kiya

phir koi dur se deta hai sada kaun ho tum

ae ho kaun si nagri se zara nam to lo

nam to main ne bataya use fauran apna

aur main kaun hun aya hun main kis nagri se

main ne jab khud se ye puchha to musalsal chup thi

charon atraf mein sadiyon ki muqaffal chup thi