اندھیرے دوڑتے ہیں رات کی ویران آنکھوں میں

اندھیرے دوڑتے ہیں رات کی ویران آنکھوں میں

چراغوں کی جڑوں سے روشنی کا خون رستا ہے

سمندر کشتیوں میں

چھید کرتی مچھلیوں سے بھر گئے آخر

مسافر منزلوں کی خواہشوں سے ڈر گئے آخر

صدا اس قید گہہ سے

بھاگ جانے کی کڑی کوشش میں زخمی ہے

زمیں فالج زدہ ہونٹوں کی جنبش سے

ٹھہر جانے کو شاید کہہ رہی ہے

ہوا کی سانس ٹھوکر کھا رہی ہے

andhere daurte hain rat ki wiran ankhon mein

charaghon ki jaron se raushni ka khun rasta hai

samundar kashtiyon mein

chhed karti machhliyon se bhar gae akhir

musafir manzilon ki khwahishon se dar gae akhir

sada is qaid gah se

bhag jane ki kari koshish mein zakhmi hai

zamin falij zada honton ki jumbish se

thahar jane ko shayad kah rahi hai

hawa ki sans thokar kha rahi hai