کسی بھی موڑ پہ رک کر جو پیچھے دیکھا ہے

کسی بھی موڑ پہ رک کر جو پیچھے دیکھا ہے

تو ایک یاد ملی آنسوؤں میں بھیگی ہوئی

تو ایک رات ملی سوگوار سہمی ہوئی

تو ایک خواب ملا در بدر بھٹکتا ہوا

اور ایک جسم ملا جس کے سر کے بالوں میں

گزرتے وقت نے لمحوں کی راکھ ڈالی ہے

وہ جسم میرا نہیں ہے تو پھر وہ کس کا ہے

kisi bhi mor pe ruk kar jo pichhe dekha hai

to ek yad mili ansuon mein bhigi hui

to ek rat mili sogwar sahmi hui

to ek khwab mila dar badar bhatakta hua

aur ek jism mila jis ke sar ke balon mein

guzarte waqt ne lamhon ki rakh dali hai

wo jism mera nahin hai to phir wo kis ka hai