دیکھتے دیکھتے سب دھند میں تحلیل ہوئے

دیکھتے دیکھتے سب دھند میں تحلیل ہوئے

دشت کہسار فلک آب نباتات سبھی

بلڈنگیں چھوٹی بڑی دور تلک پھیلے گھر

اکا دکا جو کہیں لوگ نظر آتے تھے

وہ بھی مشغول تھے

بے روح سی سرگرمی میں

ہر کوئی نوحہ کناں تھا کہ پرانی صدیاں

بوڑھی تہذیب کو دفنا کے ابھی لوٹی ہیں

اور اب ڈھونڈھتی ہیں

ان دیکھے کھنڈر کو شاید

کیسا گمبھیر سفر ختم ہوا آخر کار

کیسی افتاد پڑی اہل زمیں آج کے دن

ہم کہ آغاز تھے انجام کی تمثیل ہوئے

دیکھتے دیکھتے ہم دھند میں تحلیل ہوئے

dekhte dekhte sab dhund mein tahlil hue

dasht-e-kohsar falak ab nabatat sabhi

baldangen chhoti bari dur talak phaile ghar

ikka dukka jo kahin log nazar ate the

wo bhi mashghul the

be ruh si sargarmi mein

har koi nauha kunan tha ke purani sadiyan

burhi tahzib ko dafna ke abhi lauti hain

aur ab dhundhti hain

an dekhe khandar ko shayad

kaisa gumbhir safar khatm hua akhir kar

kaisi uftad pari ahl-e-zamin aj ke din

ham ke aghaz the anjam ki tamsil hue

dekhte dekhte ham dhund mein tahlil hue