کتنے بخت والے ہو

کتنے بخت والے ہو

زندگی میں جو چاہا

تم نے پا لیا آخر

عزم اور ہمت سے

فہم سے ذکاوت سے

ہے تمہارے دامن میں

پھول کامرانی کا

اور تمہارے ماتھے پر

فخر کا ستارہ ہے

اب تمہارے چہرے پر

ایسی شادمانی ہے

کوئی کہہ نہیں سکتا

درد سے بھی واقف ہو

اور تمہارے پاؤں میں

دیر سے کھٹکتا ہے

آرزو کا اک کانٹا

جس سے خون رستا ہے

لالہ زار راہوں پر

اس لہو کی سرخی کی

کانپتی لکیریں ہیں

ان لہو کے دھبوں میں

ناتمام مبہم سی

ایک بات لکھی ہے

kitne bakht wale ho

zindagi mein jo chaha

tum ne pa liya akhir

azm aur himmat se

fahm se zakawat se

hai tumhare daman mein

phul kamrani ka

aur tumhare mathe par

fakhr ka sitara hai

ab tumhare chehre par

aisi shadmani hai

koi kah nahin sakta

dard se bhi waqif ho

aur tumhare paon mein

der se khatakta hai

arzu ka ik kanta

jis se khun rasta hai

lala zar rahon par

is lahu ki surkhi ki

kanpti lakiren hain

un lahu ke dhabbon mein

natamam mubham si

ek bat likhi hai