اک دن جو بہم ہوں گے

اک دن جو بہم ہوں گے

تجھ سے ترے درماندہ

کیا عرض گزاریں گے

کیا حال سنائیں گے

موہوم کشیدہ ہے

تصویر قیامت کی

شاید نہ سنا پائیں

تفصیل مسافت کی

لب بستہ رہیں شاید

یہ دن جو گزارے ہیں

محرم ہے کوئی کس کا

یا زخم کی سرگوشی

یا ہمارے ہیں

آنکھوں پہ کئے سایہ

کب دور تلک دیکھا

لرزاں تھی زمیں کس پل

کب سوئے فلک دیکھا

کب دشت کی تنہائی

آنکھوں میں اتر آئی

کب وہم سماعت تھی

کب کھو گئی گویائی

کس موڑ پہ حیراں تھے

کس راہ میں ویراں تھے

اجمال حقیقت کے

شاید نہ رقم ہوں گے

اک دن جو بہم ہوں گے

تک لیں گے تری صورت

اور سر کو جھکا لیں گے

مل ڈالیں گے آنکھوں کو

گر یاد سراب آئے

گم صم تری چوکھٹ پر

ہو جائیں گے ہم شاید

چھو کر ترے دامن کو

سو جائیں گے ہم شاید

ik din jo baham honge

tujh se tire darmanda

kya arz guzarenge

kya hal sunaenge

mauhum kashida hai

taswir qayamat ki

shayad na suna paen

tafsil masafat ki

lab basta rahen shayad

ye din jo guzare hain

mahram hai koi kis ka

ya zakhm ki sargoshi

ya hamare hain

ankhon pe kiye saya

kab dur talak dekha

larzan thi zamin kis pal

kab su-e-falak dekha

kab dasht ki tanhai

ankhon mein utar ai

kab wahm samaat thi

kab kho gai goyai

kis mor pe hairan the

kis rah mein wiran the

ijmal haqiqat ke

shayad na raqam honge

ik din jo baham honge

tak lenge tiri surat

aur sar ko jhuka lenge

mil dalenge ankhon ko

gar yad sarab ae

gum sum tiri chaukhat par

ho jaenge ham shayad

chhu kar tire daman ko

so jaenge ham shayad