انسانوں کے دل میں بچوں

انسانوں کے دل میں بچوں

اک پیار کا دریا بہتا ہے

جو آنکھ سے اوجھل رہتا ہے

لیکن دنیا میں کبھی کبھی

لگتا ہے کچھ اتنا اچھا

وہ چاند کی جھلمل کرنیں ہوں

یا رم جھم پانی بارش کا

یا ایسا ہو انسان کوئی

جو اتنا پیارا ہمیں لگے

ہم بول نہیں کچھ پاتے ہیں

چپ چاپ کھڑے رہ جاتے ہیں

تب ایک انوکھے جادو سے

بارش ہوتی ہے لفظوں کی

جو گیت رسیلا گاتے ہیں

اور ہم شاعر بن جاتے ہیں

جب دل پر چوٹ لگے گہری

اور آنسو پینا مشکل ہو

آسان لگے بس مر جانا

دکھ سہ کر جینا مشکل ہو

تب ایک انوکھے جادو سے

ہوتی ہے بارش لفظوں کی

جو گیت رسیلا گاتے ہیں

اور ہم شاعر بن جاتے ہیں

تھا کوئی زمانہ جب شاعر

جادوگر سمجھے جاتے تھے

کیا سچ مچ ہیں وہ جادوگر

یہ بھید کسی نے کب پایا

اک بات مگر سب نے مانی

جب دل سے نکلے شعر کوئی

کر دیتا ہے ہم پر جادو

وہ سب کو اچھا لگتا ہے

اور بالکل سچا لگتا ہے

insanon ke dil mein bachchon

ik pyar ka dariya bahta hai

jo ankh se ojhal rahta hai

lekin duniya mein kabhi kabhi

lagta hai kuchh itna achchha

wo chand ki jhilmil kirnen hun

ya ram jhim pani barish ka

ya aisa ho insan koi

jo itna pyara hamen lage

ham bol nahin kuchh pate hain

chup chap khare rah jate hain

tab ek anokhe jadu se

barish hoti hai lafzon ki

jo git rasila gate hain

aur ham shayar ban jate hain

jab dil par chot lage gahri

aur ansu pina mushkil ho

asan lage bas mar jana

dukh sah kar jina mushkil ho

tab ek anokhe jadu se

hoti hai barish lafzon ki

jo git rasila gate hain

aur ham shayar ban jate hain

tha koi zamana jab shayar

jadugar samjhe jate the

kya sach much hain wo jadugar

ye bhed kisi ne kab paya

ik bat magar sab ne mani

jab dil se nikle sher koi

kar deta hai ham par jadu

wo sab ko achchha lagta hai

aur bilkul sachcha lagta hai