یہیں تو کہیں پر

یہیں تو کہیں پر

تمہارے لبوں نے

مرے سرد ہونٹوں سے برفیلے ذرے چنے تھے

اسی پیڑ کی چھال پر ہاتھ رکھ کر

ہم اک دن کھڑے تھے

یہیں برف باری میں ہم لڑکھڑاتے ہوئے جا رہے تھے

بہک تازہ بوسوں کی سر میں سمائے

ہم آغوشی جسم و جاں کے نشے میں

گئی برف باری کی رت

اور پگھلتی ہوئی برف بھی بہہ گئی سب

یہاں کچھ نہیں اب

کہ ہر شے نئی ہے

ہٹا کر ردا برف کی گھاس لہرا رہی ہے

ہری پتیوں کی گھنی ٹہنیوں میں

ہوا جب چلے تو

گئے موسموں سے گزرتی

ہماری ہنسی گونجتی ہے

yahin to kahin par

tumhare labon ne

mire sard honton se barfile zarre chune the

isi per ki chhal par hath rakh kar

ham ik din khare the

yahin barf bari mein ham larkharate hue ja rahe the

bahak taza boson ki sar mein samae

ham aghoshi jism-o-jan ke nashe mein

gai barf bari ki rut

aur pighalti hui barf bhi bah gai sab

yahan kuchh nahin ab

ke har shai nai hai

hata kar rida barf ki ghas lahra rahi hai

hari pattiyon ki ghani tahniyon mein

hawa jab chale to

gae mausamon se guzarti

hamari hansi gunjti hai