آ مرے اندر آ

آ مرے اندر آ

پوتر مہران کے پانی

ٹھنڈے میٹھے مٹیالے پانی

مٹیالے جیون رنگ جل

دھو دے سارا کرودھ کپٹ

شہروں کی دشاؤں کا سب چھل

یوں سینچ مجھے کر دے میری مٹی جل تھل

ترے تل کی کالی چکنی مٹی سے

ماتھے پر تلک لگاؤں

ہاتھ جوڑ ڈنڈوت کروں

او من کے بھید سے گہرے

ہولے ہولے سانس کھینچتے

اوم سمان امر

او مہان ساگر

میں اتری تیرے ٹھنڈے جل میں کمر کمر

تیرے ٹھنڈے میٹھے مہربان پانی سے منہ دھو لوں

اور دھو لوں آنسو

کھارے آنسو

تیرے میٹھے پانی سے دھو لوں

او مہان مٹیالے ساگر آ

سن مری کتھا

میں بڑی ابھاگن بھاگ مرا

بے درد ہاتھ میں رہا سدا

ٹوٹا مرا مٹی سے ناطہ

کیسے ٹوٹا

اک آندھی بڑی بھیانک لال چڑیل

مجھے لے اڑی

اٹھا کر پٹکا اس نے کہاں سے کہاں!

تیرے چرنوں میں سیس جھکاتی ایک اکیلی جان

مرے ساتھ مرا کوئی میت نہیں

کوئی رنگ روپ' کوئی پریت نہیں

مری ان گڑھ پھیکی مرجھاتی بولی میں کوئی سنگیت نہیں

مری پیڑھیوں کے بیتے یگ میرے ساتھ نہیں

بس اک نردئی دھرم ہے

جس کا بھرم نہیں

وہ دھرم جو کہتا ہے مٹی مری بیرن ہے

جو مجھے سکھاتا ہے ساگر مرا دشمن ہے

ہاں' دور کہیں

آکاش کی اونچائی سے پرے

رہتا ہے خدا

اتنا روکھا

مٹی سے جوڑ نہیں جس کا

سب ناطے پریت اور بیر کے اس کی کارن میں کیسے جوڑوں

میں مٹی مرا جنم مٹی

میں مٹی کو کیسے چھوڑوں

او مٹیالے بلوان مہا ساگر

میں اکھڑی دھرتی سے

بھگوان مرا رس سوکھ گیا

پھر بھی سنتی ہوں اپنے لہو میں بیتے سمے کی نرم دھمک

وہ سمے جو میرے جنم سے پہلے بیت گیا

مرے کانوں میں

اک شور ہے جھرجھر بہتے ندی نالوں کا

اور کوئی مہک بڑی بے کل ہے

جو گونج بنی مری چھاتی سے ٹکراتی ہے

او مہان ساگر

جیونःرس دے

اپنے تل میں جل پودا بن کر جڑ لینے دے

سدا جیے

او مہان ساگر سندھو

تو سدا جیے

اور جئیں ترے پانی میں پھسلتی مچھلیاں

شانت سکھی یوں ہی

ترے پانی میں ناؤ کھیتے

ترے بالک سدا جئیں

او پالن ہار ہمارے

دھرتی کے رکھوالے

ان داتا

تری دھرتی

نرم رتیلی مہربان سندھ کی دھرتی

سدا جیے

a mire andar a

pawitr mahran ke pani

thande mithe matyale pani

matyale jiwan rang jal

dho de sara kirodh kapat

shahron ki dashaon ka sab chhal

yun sinch mujhe kar de meri mitti jal thal

tire til ki kali chukni mitti se

mathe par talak lagaun

hath jor dandaut karun

o man ke bhed se gahre

haule haule sans khinchte

om samin amar

o mahan sagar

main utri tere thande jal mein kamar kamar

tere thande mithe mehrban pani se munh dho lun

aur dho lun ansu

khare ansu

tere mithe pani se dho lun

o mahan matyale sagar a

sun miri kattha

main bari abhagin bhag mira

be dard hath mein raha sada

tuta mira mitti se nata

kaise tuta

ik andhi bari bhayanak lal churail

mujhe le uri

utha kar patka us ne kahan se kahan!

tere charnon mein sis jhukati ek akeli jan

mire sath mira koi mayyat nahin

koi rang rup' koi prit nahin

miri un garh phiki murjhati boli mein koi sangit nahin

miri pirhiyon ke bite yag mere sath nahin

bas ik nirdai dharm hai

jis ka bharam nahin

wo dharm jo kahta hai mitti miri beran hai

jo mujhe sikhata hai sagar mira dushman hai

han' dur kahin

akash ki unchai se pare

rahta hai khuda

itna rukha

mitti se jor nahin jis ka

sab nate prit aur bair ke us ki karan mein kaise jorun

main mitti mira janam mitti

main mitti ko kaise chhorun

o matyale biloin meha sagar

main ukhri dharti se

bhagwan mira ras sukh gaya

phir bhi sunti hun apne lahu mein bite samay ki narm dhamk

wo samay jo mere janam se pahle bit gaya

mire kanon mein

ik shor hai jharjhar bahte nadi nalon ka

aur koi mahak bari be kal hai

jo gunj bani miri chhati se takrati hai

o mahan sagar

jiwan ras de

apne til mein jal pauda ban kar jur lene de

sada jiye

o mahan sagar sandho

tu sada jiye

aur jiyen tire pani mein phisalti machhliyan

shant sakhi yun hi

tire pani mein nao khite

tire balak sada jiyen

o palan har hamare

dharti ke rakhwale

un data

tiri dharti

narm ratyali mehrban sandh ki dharti

sada jiye