یہ الگ بات کہ پیشانی پہ بل آئے گا

یہ الگ بات کہ پیشانی پہ بل آئے گا

غور کرتے رہو کچھ حل بھی نکل آئے گا

بیج بھی ڈال دے امید ثمر بھی تج دے

جب تری نسل جواں ہوگی تو پھل آئے گا

مصلحت اوڑھ کے چپ چاپ تماشا بن جا

جو بھی آئے گا مخالف ترے حل آئے گا

ایک قانون مکافات عمل ہے ظالم

آج جو کرتا ہے تو سامنے کل آئے گا

عمر گزری ہے کبھی دید کی لذت مل جائے

جانے کب میری نگاہوں میں وہ پل آئے گا

دانشاؔ بزم میں ان کی تو غزل جھوم کے پڑھ

ان کی جانب سے بھی کچھ رد عمل آئے گا

ye alag bat ke peshani pe bal aega

ghaur karte raho kuchh hal bhi nikal aega

bij bhi dal de ummid samar bhi taj de

jab tiri nasl jawan hogi to phal aega

maslahat orh ke chup chap tamasha ban ja

jo bhi aega mukhalif tire hal aega

ek qanun-e-mukafat-e-amal hai zalim

aj jo karta hai to samne kal aega

umr guzri hai kabhi did ki lazzat mil jae

jane kab meri nigahon mein wo pal aega

dansha bazm mein un ki to ghazal jhum ke parh

un ki janib se bhi kuchh rad-e-amal aega