رن بھومی میں لڑتے لڑتے میں نے کتنے سال

رن بھومی میں لڑتے لڑتے میں نے کتنے سال

اک دن جل میں چھایا دیکھی چٹے ہو گئے بال

پاپڑ جیسی ہوئیں ہڈیاں جلنے لگے ہیں دانت

جگہ جگہ جھریوں سے بھر گئی سارے تن کی کھال

دیکھ کے اپنا حال ہوا پھر اس کو بہت ملال

ارے میں بڑھیا ہو جاؤں گی آیا نہ تھا خیال

اس نے سوچا

گر پھر سے مل جائے جوانی

جس کو لکھتے ہیں دیوانی

اور مستانی

جس میں اس نے انقلاب لانے کی ٹھانی

وہی جوانی

اب کی بار نہیں دوں گی کوئی قربانی

بس لاحول پڑھوں گی اور نہیں دوں گی کوئی قربانی

دل نے کہا

کس سوچ میں ہے اے پاگل بڑھیا

کہاں جوانی

یعنی اس کو گزرے اب تک کافی عرصہ بیت چکا ہے

یہ خیال بھی دیر سے آیا

بس اب گھر جا

بڑھیا نے کب اس کی مانی

حالانکہ اب وہ ہے نانی

ظاہر ہے اب اور وہ کر بھی کیا سکتی تھی

آسمان پر لیکن تارے آنکھ مچولی کھیل رہے تھے

رات کے پنچھی بول رہے تھے

اور کہتے تھے

یہ شاید اس کی عادت ہے

یا شاید اس کی فطرت ہے

ran bhumi mein larte larte main ne kitne sal

ik din jal mein chhaya dekhi chitte ho gae bal

papar jaisi huin haddiyan jalne lage hain dant

jagah jagah jhiriyon se bhar gai sare tan ki khal

dekh ke apna hal hua phir us ko bahut malal

are mein burhiya ho jaungi aya na tha khayal

us ne socha

gar phir se mil jae jawani

jis ko likhte hain diwani

aur mastani

jis mein us ne inqilab lane ki thani

wahi jawani

ab ki bar nahin dungi koi qurbani

bas lahaul parhungi aur nahin dungi koi qurbani

dil ne kaha

kis soch mein hai ai pagal burhiya

kahan jawani

yaani us ko guzre ab tak kafi arsa bit chuka hai

ye khayal bhi der se aya

bas ab ghar ja

burhiya ne kab us ki mani

halanke ab wo hai nani

zahir hai ab aur wo kar bhi kya sakti thi

asman par lekin tare ankh michauli khel rahe the

rat ke panchhi bol rahe the

aur kahte the

ye shayad us ki adat hai

ya shayad us ki fitrat hai