اب سو جاؤ

اب سو جاؤ

اور اپنے ہاتھ کو میرے ہاتھ میں رہنے دو

تم چاند سے ماتھے والے ہو

اور اچھی قسمت رکھتے ہو

بچے کی سو بھولی صورت

اب تک ضد کرنے کی عادت

کچھ کھوئی کھوئی سی باتیں

کچھ سینے میں چبھتی یادیں

اب انہیں بھلا دو سو جاؤ

اور اپنے ہاتھ کو میرے ہاتھ میں رہنے دو

سو جاؤ تم شہزادے ہو

اور کتنے ڈھیروں پیارے ہو

اچھا تو کوئی اور بھی تھی

اچھا پھر بات کہاں نکلی

کچھ اور بھی یادیں بچپن کی

کچھ اپنے گھر کے آنگن کی

سب بتلا دو پھر سو جاؤ

اور اپنے ہاتھ کو میرے ہاتھ میں رہنے دو

یہ ٹھنڈی سانس ہواؤں کی

یہ جھلمل کرتی خاموشی

یہ ڈھلتی رات ستاروں کی

بیتے نہ کبھی تم سو جاؤ

اور اپنے ہاتھ کو میرے ہاتھ میں رہنے دو

ab so jao

aur apne hath ko mere hath mein rahne do

tum chand se mathe wale ho

aur achchhi qismat rakhte ho

bachche ki so bhuli surat

ab tak zid karne ki adat

kuchh khoi khoi si baten

kuchh sine mein chubhti yaden

ab unhen bhula do so jao

aur apne hath ko mere hath mein rahne do

so jao tum shahzade ho

aur kitne dheron pyare ho

achchha to koi aur bhi thi

achchha phir bat kahan nikli

kuchh aur bhi yaden bachpan ki

kuchh apne ghar ke angan ki

sab batla do phir so jao

aur apne hath ko mere hath mein rahne do

ye thandi sans hawaon ki

ye jhilmil karti khamoshi

ye dhalti rat sitaron ki

bite na kabhi tum so jao

aur apne hath ko mere hath mein rahne do