آج کی رات بھی

آج کی رات بھی

در کوئی وا نہیں

ہے اگر در کوئی

جس کے کھلنے کا امکان ہو

آسماں کی طرف ہاتھ نظریں سبھی

پر کوئی وا نہیں

سامنے وہ جو در

وہ جو دروازے کا قفل

کھلنے کا امکان ہے منتظر

جس میں انگڑائیاں ٹوٹتی ہیں تھکن

ہاتھ اکڑے ہوئے ہیں جو ناپید در کی طرف

ہڈیاں ان کی چٹخی نہیں ہیں ابھی

ان کی انگڑائیاں ہیں ادھر منتظر

aj ki rat bhi

dar koi wa nahin

hai agar dar koi

jis ke khulne ka imkan ho

asman ki taraf hath nazren sabhi

par koi wa nahin

samne wo jo dar

wo jo darwaze ka qufl

khulne ka imkan hai muntazir

jis mein angraiyan tutti hain thakan

hath akre hue hain jo napaid dar ki taraf

haddiyan un ki chatkhi nahin hain abhi

un ki angraiyan hain idhar muntazir