ایک دیوار

ایک دیوار

اور اس پر وہ مرے نقش و نگار

میری دیوار پہ دعویٰ سو یہ دعویٰ کیسا

ایک دیوار پہ دیوار کے رنگوں پہ کہاں ختم یہ بات

ایک پچکاری کی ہیں مار یہ سب نقش و نگار

جاؤ جانے دو اسے

اور کھرچ لے جائے

نقش کیا ہے مرے ہاتھوں کا تحرک ہے بس

رنگ کیا ہیں مرے ہاتھوں میں دبی پچکاری

شہر کیا ہے مری آنکھوں میں بسی دیواریں

رنگ میرے ہیں لکیریں ہیں مری میرے قلم

رنگ دوں گا میں ذرا دیر میں یہ شہر تمام

نقش کر دوں گا نگاہوں پہ یہ رنگوں کا فسوں

اور روزن نظر آئیں گی سبھی دیواریں

ایک دیوار پہ دعویٰ سو یہ دعویٰ کیسا

ek diwar

aur us par wo mire naqsh-o-nigar

meri diwar pe daawa so ye daawa kaisa

ek diwar pe diwar ke rangon pe kahan khatm ye bat

ek puchkari ki hain mar ye sab naqsh-o-nigar

jao jane do use

aur khurach le jae

naqsh kya hai mire hathon ka taharruk hai bas

rang kya hain mire hathon mein dabi puchkari

shahr kya hai miri ankhon mein basi diwaren

rang mere hain lakiren hain miri mere qalam

rang dunga mein zara der mein ye shahr tamam

naqsh kar dunga nigahon pe ye rangon ka fusun

aur rauzan nazar aengi sabhi diwaren

ek diwar pe daawa so ye daawa kaisa