روشنی پر دھند کی تہ

روشنی پر دھند کی تہ

آئنے کے نقش پھیکے

شیشے کے اس پار ابہام مجرد

کھڑکیوں پر آنسوؤں کی باڑھ

مورتیں ہوں صورتوں سے جیسے عاری

پگھلے چہروں سے تھی ہر تصویر بھاری

اور سکوت

بوجھ ہو گویا بصارت پر نمی

کھڑکی کھلتے ہی مگر

بانہیں پھیلا کر ہوا نے

بڑھ کے آنکھیں چوم لیں

آئنوں کے آنسو پونچھے

رنگ دھوئے

شیشے کی تر دامنی کا قطرہ قطرہ کھینچ ڈالا

کھڑکی کھلتے ہی وہ ساری دھند جیسے

رقص کرتی بادلوں کی اور لپکی

مضمحل چادر نظر کی ہٹتے ہٹتے ہٹ گئی

روشنی پھر منظروں سے پٹ گئی

raushni par dhund ki tah

aine ke naqsh phike

shishe ke us par ibham-e-mujarrad

khirkiyon par ansuon ki barh

muraten hun suraton se jaise ari

pighle chehron se thi har taswir bhari

aur sukut

bojh ho goya basarat par nami

khirki khulte hi magar

banhen phaila kar hawa ne

barh ke ankhen chum len

ainon ke ansu ponchhe

rang dhoe

shishe ki tar damani ka qatra qatra khinch dala

khirki khulte hi wo sari dhund jaise

raqs karti badalon ki aur lapki

muzmahil chadar nazar ki hatte hatte hat gai

raushni phir manzaron se pat gai