رسی کا پل

رسی کا پل

دیکھا بھالا

ہچکولے مانوس

گرہیں جس کی عقدوں سے پر

طول سفر اک عمر

رسی کا پل اک دن ٹوٹا

اور مسافر گرتے گرتے

اس کے دونوں ٹکڑے تھامے

خود پل بن کر بیچ میں لٹکا جھول رہا تھا

سیکڑوں آنکھوں کے جھرمٹ میں

وہ مصلوب تماشہ بن کر

ٹوٹے پل کو جوڑ رہا تھا

اونچائی پر دونوں سروں کی جانب بے رحمی سے کھنچتی

ضدی رسی

تند ہوا کی پیہم آڑی ترچھی کیلیں

گہرائی میں بہتا پانی اور چٹانیں

اور ہوا میں دو بازو شل

اس مٹھی سے اس مٹھی تک حشر بپا تھا

پانی اور ہوا کے شور میں شریانوں کا خون ہو جیسے

اور تناؤ چیخ رہا ہو

اپنی آنکھیں کھول کے دیکھو

رسی بن گئے ہاتھ تمہارے

تم خود اپنا کفارہ ہو

ہیلے لو یاہ، ہیلے لو یاہ

اب جی اٹھو جشن مناؤ

لمبے سفر سے تم کو آج نجات ملی ہے

rassi ka pal

dekha bhala

hachkole manus

girhen jis ki uqdon se par

tul-e-safar ik umr

rassi ka pal ik din tuta

aur musafir girte girte

us ke donon tukre thame

khud pal ban kar bich mein latka jhul raha tha

saikron ankhon ke jhurmut mein

wo maslub tamasha ban kar

tute pal ko jor raha tha

unchai par donon saron ki janib be rahmi se khinchti

ziddi rassi

tund hawa ki paiham ari tirchhi kilen

gahrai mein bahta pani aur chatanen

aur hawa mein do bazu shil

is mutthi se is mutthi tak hashr bapa tha

pani aur hawa ke shor mein sharyanon ka khun ho jaise

aur tanao chikh raha ho

apni ankhen khol ke dekho

rassi ban gae hath tumhare

tum khud apna kaffara ho

hile lo yah, hile lo yah

ab ji utho jashn manao

lambe safar se tum ko aj najat mili hai