جھلملوں کی آڑ میں رقصاں

جھلملوں کی آڑ میں رقصاں

درد کی آندھی

شور مچا کر

پانی کی دیوار اٹھا کر

وقت کی سرحد توڑ رہی ہے

پانی کی دیوار میں قطرہ قطرہ روزن کھول رہی ہے

آنکھیں اپنے ہاتھ بڑھائے

روزن کے اس پار کھلی ہیں

عکس کی تہ میں

عکس کو چھو کر دیکھ رہی ہیں

بھیگے چہرے

جسموں کی محتاط فصیلوں پر چپکے بے خود پیراہن

دیواروں پر گیلے تیروں کی بوچھاروں کی تحریریں

نشے میں گم پیڑوں کے خوابیدہ پتے

نکھری گھاس میں چاندی کے لبریز کٹورے

سحر زدہ گلیوں کی بھیگی بھیگی آنکھیں

اور انگڑائی لیتی دھرتی کی پوروں سے اٹھتی سرشاری کی خوشبو

پر ایسے میں جل کر

بجلی دہاڑ کے ہاتھ جھٹک دیتی ہے

پانی کی دیوار کے پیچھے

سب منظر دھندلا دیتی ہے

وقت کی باڑھ لگا دیتی ہے

jhilmilon ki ar mein raqsan

dard ki andhi

shor macha kar

pani ki diwar utha kar

waqt ki sarhad tor rahi hai

pani ki diwar mein qatra qatra rauzan khol rahi hai

ankhen apne hath barhae

rauzan ke us par khuli hain

aks ki tah mein

aks ko chhu kar dekh rahi hain

bhige chehre

jismon ki mohtat fasilon par chupke be khud pairahan

diwaron par gile tiron ki bauchharon ki tahriren

nashe mein gum peron ke khwabida patte

nikhri ghas mein chandi ke labrez katore

sahar zada galiyon ki bhigi bhigi ankhen

aur angrai leti dharti ki poron se uthti sarshari ki khushbu

par aise mein jal kar

bijli daur ke hath jhatak deti hai

pani ki diwar ke pichhe

sab manzar dhundla deti hai

waqt ki barh laga deti hai