کوئی آگے نہ پیچھے بہت دور تک

کوئی آگے نہ پیچھے بہت دور تک

ایک لمبی سڑک

درمیاں میں کوئی سایہ چہرہ بکف

گویا تصویر تجرید ماحول کا کینوس

بے حد و بیکراں

اس پہ بجھتا ہوا رات کا کوئلہ

آگ کا رازداں

سارے پس منظروں کو سمیٹے ہوئے

جو دکھائی نہیں دے رہا وہ دھواں

اور سڑک جس کا کوئی سرا ہی نہیں

چل رہا ہوں بہت مدتوں سے یوں ہی

کوئی آگے نہ پیچھے بہت دور تک

koi age na pichhe bahut dur tak

ek lambi sarak

darmiyan mein koi saya chehra bakaf

goya taswir tajrid mahaul ka kainwas

be had-o-bekaran

us pe bujhta hua rat ka koila

ag ka razdan

sare pas manzaron ko samete hue

jo dikhai nahin de raha wo dhuan

aur sarak jis ka koi sara hi nahin

chal raha hun bahut muddaton se yun hi

koi age na pichhe bahut dur tak