تری محبت نے میرے ہمدم

تری محبت نے میرے ہمدم

کیا ہے کچھ مجھ پہ ایسا جادو

نہ دن کو ہے چین تیرے بن کچھ

نہ مجھ کو راتوں کو نیند آئے

مری نظر میں تو ہی بسی ہے

خیال تیرا ہر اک گھڑی ہے

فضا میں خوشبو ترے بدن کی

کہ جیسے بلبل ہے تو چمن کی

بسا ہے نظروں میں تیرا جلوہ

ہے ہر گھڑی بس خیال تیرا

بہار گلشن میں تجھ سے رنگت

چمن میں ہے سب یہ تیری نکہت

گلوں میں دیکھوں شجر میں دیکھوں

تجھے ہی شام و سحر میں دیکھوں

ہے تجھ سے اے یار دل کو چاہت

قبول کر لے مری محبت

نہ الجھنوں میں تو ڈال مجھ کو

میں گر نہ جاؤں سنبھال مجھ کو

ہے میرے دل کی یہی تمنا

تو ساتھ میرے رہے ہمیشہ

تو زندگی میں بہار آئے

دل حزیں کو قرار آئے

tiri mohabbat ne mere hamdam

kya hai kuchh mujh pe aisa jadu

na din ko hai chain tere bin kuchh

na mujh ko raton ko nind ae

miri nazar mein tu hi basi hai

khayal tera har ik ghari hai

faza mein khushbu tire badan ki

ke jaise bulbul hai to chaman ki

basa hai nazron mein tera jalwa

hai har ghari bas khayal tera

bahar-e-gulshan mein tujh se rangat

chaman mein hai sab ye teri nikhat

gulon mein dekhun shajar mein dekhun

tujhe hi sham-o-sahar mein dekhun

hai tujh se ai yar-e-dil ko chahat

qubul kar le miri mohabbat

na uljhanon mein to dal mujh ko

main gar na jaun sambhal mujh ko

hai mere dil ki yahi tamanna

tu sath mere rahe hamesha

to zindagi mein bahar ae

dil-e-hazin ko qarar ae