راہ الفت پہ چل کے دیکھو تو

راہ الفت پہ چل کے دیکھو تو

اپنے غم سے نکل کے دیکھو تو

جس طرف دیکھو بے قراری ہے

ساری دنیا ہی غم کی ماری ہے

یوں تو کتنے ہی خوبصورت ہیں

ایک دوجے کی ہم ضرورت ہیں

تیری یادوں میں کھو رہے ہیں ہم

اپنی پلکیں بھگو رہے ہیں ہم

میری باتوں کا اعتبار کرو

میرے محبوب مجھ سے پیار کرو

در حقیقت جو عشق کرتے ہیں

پھر جو چاہیں وہ کر گزرتے ہیں

وہ محبت میں نامکمل ہیں

حسن پر مرنے والے پاگل ہیں

زندگانی ہے ختم ہونا ہے

حسن فانی ہے ختم ہونا ہے

بے زبانوں کی ہم ندا ہوتے

کاش کردار پر فدا ہوتے

خود یہ انجام کر کے بیٹھے ہیں

عشق نا کام کر کے بیٹھے ہیں

rah ulfat pe chal ke dekho to

apne gham se nikal ke dekho to

jis taraf dekho be qarari hai

sari duniya hi gham ki mari hai

yun to kitne hi khubsurat hain

ek duje ki ham zarurat hain

teri yadon mein kho rahe hain ham

apni palken bhigo rahe hain ham

meri baton ka etibar karo

mere mahbub mujh se pyar karo

dar haqiqat jo ishq karte hain

phir jo chahen wo kar guzarte hain

wo mohabbat mein namukammal hain

husn par marne wale pagal hain

zindagani hai khatm hona hai

husn fani hai khatm hona hai

be zabanon ki ham nida hote

kash kirdar par fida hote

khud ye anjam kar ke baithe hain

ishq na kam kar ke baithe hain