اس کے آداب تو پہلے سیکھو

اس کے آداب تو پہلے سیکھو

خاک میں خون رگ جاں تو

ملا کر دیکھو

آنکھ دریا تو بنا کر دیکھو

شام کی ٹھنڈی ہوا راستوں کو دے گی بوسے

خواب آنکھوں میں سمندر کا اتر آئے گا

رنگ میں رنگ ملیں گے

گیت پھر چھیڑیں گے دریا کے کنارے اشجار

آئینہ دیکھتے ہو

سطح دریا پہ جہاں کائی بنے آئینہ

چاندنی جھیل کی لہروں پہ بنے آئینہ

اشک آنکھوں سے گرے اور بنے آئینہ

ساربانوں کے قدم چومتے جو دشت بنے آئینہ

آتش غم سے جلے دل تو بنے آئینہ

آنکھ سے صاف کرو گرد

نظر تیز کرو

خاک میں خواب ملاؤ

اسے مہمیز کرو

us ke adab to pahle sikho

khak mein khun-e-rag-e-jan to

mila kar dekho

ankh dariya to bana kar dekho

sham ki thandi hua raston ko degi bose

khwab ankhon mein samundar ka utar aega

rang mein rang milenge

git phir chherenge dariya ke kinare ashjar

aina dekhte ho

sath-e-dariya pe jahan kai bane aina

chandni jhil ki lahron pe bane aina

ashk ankhon se gire aur bane aina

sarbanon ke qadam chumte jo dasht bane aina

atish-e-gham se jale dil to bane aina

ankh se saf karo gard

nazar tez karo

khak mein khwab milao

use mohmiz karo