''مرے پاؤں کے نیچے خاک نہیں

''مرے پاؤں کے نیچے خاک نہیں

کسی اور زمیں کی مٹی ہے''

مرے ہاتھ میں وقت کی راسیں ہیں

جو پل پل پھسلی جاتی ہیں

اور ہرے درختوں کی شاخیں

مرا رستہ جھانکتی رہتی ہیں

اور سبز گھنیرا جنگل ہے

مرے پاؤں کے نیچے چاند نہیں

اک اور ہی دیس کی مٹی ہے

اور دھوپ کا دریا موج میں ہے

اور دشت مرے قدموں سے لپٹا جاتا ہے

مجھے کوئی نہ کوئی بلاتا ہے

مرے پاؤں بھی میرے پاؤں نہیں

مرا جسم نہیں مری جان نہیں

مری آنکھوں نے غداری کی

مرے ہاتھ کسی نے کاٹ دیئے

مرا دل مجھے راہ میں چھوڑ گیا

اب دھوپ کا دریا موج میں ہے

اور دور کوئی جنگل میں ہے

''mire paon ke niche khak nahin

kisi aur zamin ki mitti hai''

mire hath mein waqt ki rasen hain

jo pal pal phisli jati hain

aur hare darakhton ki shakhen

mira rasta jhankti rahti hain

aur sabz ghanira jangal hai

mire paon ke niche chand nahin

ik aur hi des ki mitti hai

aur dhup ka dariya mauj mein hai

aur dasht mire qadmon se lipta jata hai

mujhe koi na koi bulata hai

mire paon bhi mere paon nahin

mira jism nahin miri jan nahin

miri ankhon ne ghaddari ki

mire hath kisi ne kat diye

mira dil mujhe rah mein chhor gaya

ab dhup ka dariya mauj mein hai

aur dur koi jangal mein hai