جن گلیوں کا سورج

جن گلیوں کا سورج

رستہ بھول گیا ہو

ان میں کسی بھی آہٹ کا

کوئی گیت نہیں گونجا کرتا

بوسیدہ دروازے

کھڑکیاں

بل کھاتے چوبی زینوں پر

ناچتی رہتی ہے ویرانی

گرد و غبار میں ڈوبے کمرے

آپس میں باتیں کرتے ہیں

بند دریچے

سانپوں جیسی آنکھوں سے

دور دراز کو جانے والی

سبز رتوں کی یادوں میں

روتے روتے سو جاتے ہیں

ان سب لوگوں کی یادوں میں

جن کی جسموں کی خوشبو کو

سینت کے رکھنے والے لمحے

ماہ و سال کی گرد میں دبتے جاتے ہیں

بند گھروں کی خوشبو سے

خاموشی اور تنہائی موت کی باتیں کرتے ہیں

jin galiyon ka suraj

rasta bhul gaya ho

un mein kisi bhi ahat ka

koi git nahin gunja karta

bosida darwaze

khirkiyan

bal khate chobi zinon par

nachti rahti hai wirani

gard-o-ghubar mein dube kamre

apas mein baten karte hain

band dariche

sanpon jaisi ankhon se

dur daraz ko jane wali

sabz ruton ki yadon mein

rote rote so jate hain

un sab logon ki yadon mein

jin ki jismon ki khushbu ko

sint ke rakhne wale lamhe

mah-o-sal ki gard mein dabte jate hain

band gharon ki khushbu se

khamoshi aur tanhai maut ki baten karte hain