رات ہی رات میں

رات ہی رات میں

راستے شہر سے جنگلوں کو مڑے

نیند گم ہو گئی

خوب صورت حسیں خوب رو لڑکیاں

عورتیں بن گئیں

بہتے پانی میں ان کو بہایا گیا

خواب زادے ہوئے داستانوں میں گم

رات ہی رات میں

اژدھے نوجوانوں کا دل کھا گئے

نیٹی جیٹی پہ سب لاپتہ ہو گئے

آن کی آن میں

شہر کیسے مٹا

خواب کیسے جلا

rat hi rat mein

raste shahr se jangalon ko mure

nind gum ho gai

khub surat hasin khub ru larkiyan

auraten ban gain

bahte pani mein un ko bahaya gaya

khwab zade hue dastanon mein gum

rat hi rat mein

azhdhe naujawanon ka dil kha gae

neti jeti pe sab lapata ho gae

an ki an mein

shahr kaise mita

khwab kaise jala