کتنے منظر ٹوٹ کے گرتے رہتے ہیں

کتنے منظر ٹوٹ کے گرتے رہتے ہیں

ان آنکھوں سے

یخ بستہ پاتالوں میں

کتنے دکھ ہر لمحہ لپٹے رہتے ہیں

اجلے پاؤں کے چھالوں سے

کن یادوں کا بوجھ اٹھائے

پھرتے ہیں

ہم ذہنوں میں

جو باقی نہیں حوالوں میں

چاندنی جیسے کتنے ہی جسم

ڈوبتے ڈوبتے چیخ رہے تھے

مٹی کے کچے پیالوں میں

اور اب تو کچھ ایسا ہے

جن کی خاطر ہم نے ساری عمر گنوائی

یاد نہیں وہ آئے

گزرے سالوں میں

kitne manzar tut ke girte rahte hain

in ankhon se

yakh basta patalon mein

kitne dukh har lamha lipte rahte hain

ujle paon ke chhalon se

kin yadon ka bojh uthae

phirte hain

ham zehnon mein

jo baqi nahin hawalon mein

chandni jaise kitne hi jism

dubte dubte chikh rahe the

mitti ke kachche pyalon mein

aur ab to kuchh aisa hai

jin ki khatir ham ne sari umr ganwai

yad nahin wo ae

guzre salon mein