گماں کی بے رنگ ساعتوں میں

گماں کی بے رنگ ساعتوں میں

نواح کرب و بلا سے دربار شام تک ہم

لہو کی اک ایک بوند کا سب خراج دے کر

تمام قرضے چکاتے آئے

شکستہ دہلیز

لہو کی محراب

سناں کا منبر

ہماری عزت بڑھاتے آئے

وہ ہم ہی تھے جو قیام کرتے

رکوع میں جھکتے

زکوٰۃ دے کر

خود اپنے حصے کا طعام دے کر

درود و صلوٰۃ پڑھتے آئے

وہ ہم تھے جو گھروں سے نکلے

تو پھر ابد تک

پلٹ کے گھر کی طرف نہ دیکھا

ستارۂ سحری گواہ ہے

کہ ہم نے انساں کو

چھاؤں دیتے

گھنیرے پیڑوں پہ خون چھڑکا

جھلستے صحرا کو تازگی دی

دہکتی دھرتی کو زندگی دی

مگر وہ تسکیں کا پل کہاں ہے

بھنور بھنور ہے زمانہ سارا

وجود اپنے کدھر گئے ہیں

ہمارے شجرے بکھر گئے ہیں

guman ki be rang saaton mein

nawah karb-o-bala se darbar-e-sham tak ham

lahu ki ik ek bund ka sab khiraj de kar

tamam qarze chukate ae

shikasta dahliz

lahu ki mehrab

sinan ka mimbar

hamari izzat barhate ae

wo ham hi the jo qayam karte

ruku mein jhukte

zakwat de kar

khud apne hisse ka taam de kar

durud-o-salwat parhte ae

wo ham the jo gharon se nikle

to phir abad tak

palat ke ghar ki taraf na dekha

sitara-e-sahari gawah hai

ke ham ne insan ko

chhaon dete

ghanire peron pe khun chhirka

jhulaste sahra ko tazgi di

dahakti dharti ko zindagi di

magar wo taskin ka pal kahan hai

bhanwar bhanwar hai zamana sara

wajud apne kidhar gae hain

hamare shajare bikhar gae hain