منڈیروں سے جب دھوپ اتری

منڈیروں سے جب دھوپ اتری

ابھی رات جاگی نہیں تھی

ابھی خواب کا چاند صحرا میں سویا ہوا تھا

سمندر کے بالوں میں چاندی چمکتی نہیں تھی

کسی طاق میں بھی دیئے کی کوئی لو بھڑکتی نہیں تھی

فضاؤں میں گیتوں کی مہکار تھی

پرندے ابھی آشیانوں کو بھولے نہیں تھے

وہ سپنوں میں کھوئی ہوئی تھی

زمانے پہ جب دھوپ اتری

تو اس نے بدن کو سمیٹا نہیں تھا

یہ مٹی کی زرخیزی جاگی نہیں تھی

سو جب رات اتری

زمیں خواب خوشبو

یہ موسم

یہ میں

میری آنکھیں

مرا دل

اسے رو رہے تھے

زمانے پر جب رات اتری

munderon se jab dhup utri

abhi rat jagi nahin thi

abhi khwab ka chand sahra mein soya hua tha

samundar ke balon mein chandi chamakti nahin thi

kisi taq mein bhi diye ki koi lo bharakti nahin thi

fazaon mein giton ki mahkar thi

parinde abhi ashiyanon ko bhule nahin the

wo sapnon mein khoi hui thi

zamane pe jab dhup utri

to us ne badan ko sameta nahin tha

ye mitti ki zarkhezi jagi nahin thi

so jab rat utri

zamin khwab khushbu

ye mausam

ye main

meri ankhen

mira dil

use ro rahe the

zamane par jab rat utri