کوئی آگ پئے کہ زہر پئے

کوئی آگ پئے کہ زہر پئے

یا سانپ ڈسے کی موت مرے

اب دھوپ کے جل تھل دریا سے

کوئی اپنے منہ میں ریت بھرے

ہم نے تو پیالہ الٹ دیا

اور الٹ دیا

ہر اک منظر

جب شام کی آنکھیں خون ہوئیں

اور بودلہ بوٹی بوٹی تھی

یہ بستی ظلم کی ظلمت میں

تب کچی دھوپ چباتی تھی

اور دریا پیتی جاتی تھی

مسواک زمین میں گاڑ دی ہے

اب رات سے رات نکالی ہے

اور آگ میں ڈالی مست دھمال

اور راکھ میں راکھ ملا دی ہے

اب خیر کی ختم ہوئی امید

اب پھانکو ریت

اور دھوپ پیو

یا سانپ ڈسے کی موت مرو

ہم نے تو پیالہ الٹ دیا

اور صبر کی چادر تہہ کر دی

koi ag piye ke zahr piye

ya sanp dase ki maut mire

ab dhup ke jal thal dariya se

koi apne munh mein ret bhare

ham ne to pyala ulat diya

aur ulat diya

har ik manzar

jab sham ki ankhen khun huin

aur budlahu boti boti thi

ye basti zulm ki zulmat mein

tab kachchi dhup chabati thi

aur dariya piti jati thi

miswak zamin mein gar di hai

ab rat se rat nikali hai

aur ag mein dali mast dhamal

aur rakh mein rakh mila di hai

ab khair ki khatm hui ummid

ab phanko ret

aur dhup piyo

ya sanp dase ki maut maro

ham ne to pyala ulat diya

aur sabr ki chadar tah kar di