زمیں کے ٹکڑے کئے آسمان بانٹے گا

زمیں کے ٹکڑے کئے آسمان بانٹے گا

وہ شاہ وقت ہے سارا جہان بانٹے گا

رکھے رہے گا وہ تیروں پہ دسترس اپنی

ہمارے بیچ تو خالی کمان بانٹے گا

جو کاٹ لے گیا فصل یقین کھیتوں سے

پلٹ کے آئے گا شاخ گمان بانٹے گا

کتر کے پنکھ ہمارے دروں کو کھول دیا

خبر ملی تھی کہ اونچی اڑان بانٹے گا

کہاں وہ درد کا رشتہ رہا سلامت اب

جو ہاتھ تھام کے ساری تکان بانٹے گا

تمام چہرے دھواں ہو گئے تبسمؔ جب

تو کس کے بیچ وہ شہر امان بانٹے گا

zamin ke tukre kiye asman bantega

wo shah waqt hai sara jahan bantega

rakhe rahega wo tiron pe dastaras apni

hamare bich to khali kaman bantega

jo kat le gaya fasl-e-yaqin kheton se

palat ke aega shakh-e-guman bantega

katar ke pankh hamare darun ko khol diya

khabar mili thi ke unchi uran bantega

kahan wo dard ka rishta raha salamat ab

jo hath tham ke sari takan bantega

tamam chehre dhuan ho gae tabassum jab

to kis ke bich wo shahr-e-aman bantega