فکر و آلام کے بادل میں ہیں انوار حیات

فکر و آلام کے بادل میں ہیں انوار حیات

روشنی کیا کسی تنویر کا پرتو بھی نہیں

نوع انساں کی فضاؤں پہ ہے ظلمت کا جماؤ

شمع مہتاب کا کیا ذکر کوئی لو بھی نہیں

ذہن تاریک ہیں اجسام کی دنیا ہے سیاہ

ہے عناصر کی فضاؤں میں تلاطم برپا

امن کی موج کا ملتا نہیں ہلکا سا نشاں

زندگی میں ہے مقاصد کا تصادم برپا

برتری پیکر و اجسام کی ہے جو کچھ ہے

روح کو قابل تضحیک کہا جاتا ہے

کیا زمانہ ہے کہ ظلمت کو سمجھتے ہیں نور

نور کو جادۂ تاریک کہا جاتا ہے

آؤ اے اہل خرد اہل جنوں اہل زمیں

بزم ہستی میں محبت سے چراغاں کر دیں

روح‌ عرفاں کا عناصر کو سنا کر پیغام

آج انسان کو پھر محرم انساں کر دیں

fikr-o-alam ke badal mein hain anwar-e-hayat

raushni kya kisi tanwir ka partau bhi nahin

nau-e-insan ki fazaon pe hai zulmat ka jamao

shama mahtab ka kya zikr koi lo bhi nahin

zehn-e-tarik hain ajsam ki duniya hai siyah

hai anasir ki fazaon mein talatum barpa

amn ki mauj ka milta nahin halka sa nishan

zindagi mein hai maqasid ka tasadum barpa

bartari paikar-o-ajsam ki hai jo kuchh hai

ruh ko qabil-e-tazhik kaha jata hai

kya zamana hai ke zulmat ko samajhte hain nur

nur ko jada-e-tarik kaha jata hai

ao ai ahl-e-khirad ahl-e-junun ahl-e-zamin

bazm-e-hasti mein mohabbat se charaghan kar den

ruh irfan ka anasir ko suna kar paigham

aj insan ko phir mahram-e-insan kar den