بچپنے کی دنیا تھی

بچپنے کی دنیا تھی

جس کے دم سے دم لیتی

خوف کی پچھل پائی

خواب جس کی زد میں تھے

صبح خواب سننے پر

سب بزرگ کہہ دیتے

خواب کی یہ باتیں ہیں

ہم سے دور بیتیں گی

دور سے سنیں گے ہم

اب جدا سی دنیا ہے

ان کہے زمانوں کے

جیتے جاگتے لمحے

دھیان سے گزرتے ہیں

سوچ میں اترتے ہیں

پر وہ دن نہیں آئے

جس میں جاگتی تقدیر

صبح وہ نہیں چھوٹی

خواب کی جو دے تعبیر

دور سے سنا ہم نے

برف میں کھلی کونپل

غرب میں مچی ہلچل

حریت حقوق افکار

ذوق آرزو آثار

ذہن کی کماں داری

رنگ نادرہ کاری

علم اس کی تعمیریں

برق ایٹم آہن سے

جسم کھیل صحت تک

ارتقا کی تعبیریں

دور سب سمندر پار

اپنے خواب کیسے ہیں

جو نظر نہیں آتے

انتشار اتنا ہے

سو طرح کی تعبیریں

bachpane ki duniya thi

jis ke dam se dam leti

khauf ki pichhal pai

khwab jis ki zad mein the

subh khwab sunne par

sab buzurg kah dete

khwab ki ye baten hain

ham se dur baitengi

dur se sunenge ham

ab juda si duniya hai

an kahe zamanon ke

jite jagte lamhe

dhyan se guzarte hain

soch mein utarte hain

par wo din nahin ae

jis mein jagti taqdir

subh wo nahin chhoti

khwab ki jo de taabir

dur se suna ham ne

barf mein khuli konpal

gharb mein machi halchal

hurriyyat huquq-e-afkar

zauq-e-arzu asar

zehn ki kaman dari

rang nadarra kari

ilm us ki taamiren

barq aitam ahan se

jism khel sehhat tak

irtiqa ki taabiren

dur sab samundar par

apne khwab kaise hain

jo nazar nahin ate

intishar itna hai

sau tarah ki taabiren