جدائی اور کیا ہے میں جسے سہتا نہیں رہتا

جدائی اور کیا ہے میں جسے سہتا نہیں رہتا

یہ تم سے روز کا ملنا

جدا ہونے سے پہلے دیر تک

اک بات سے اک بات تک

لفظوں کا لڑھکانا

نئے موسم کی باتیں

عالمانہ گفتگوئیں ان مناظر کی

سیاست جن کا چہرہ کل دکھائے گی

ملاقاتیں ہیں اور ایسی ملاقاتیں

کہ باہم روز کا ملنا نہ ملنا

کوئی بھی ارزش نہیں رکھتا

یہ کیسا وصل ہے

جس میں

حدیں مٹتی نہیں

باتوں سے باتوں کا ملانا

میں سے تو تک کا سفر بھی بن نہیں پاتا

یہ کیسے رابطے ہیں

کرسیوں سے کرسیاں ملتی ہیں

لیکن درمیانی فاصلے مٹتے نہیں

judai aur kya hai main jise sahta nahin rahta

ye tum se roz ka milna

juda hone se pahle der tak

ik bat se ik bat tak

lafzon ka lurhkana

nae mausam ki baten

alimana guftuguen un manazir ki

siyasat jin ka chehra kal dikhaegi

mulaqaten hain aur aisi mulaqaten

ke baham roz ka milna na milna

koi bhi arzish nahin rakhta

ye kaisa wasl hai

jis mein

haden mitti nahin

baton se baton ka milana

main se to tak ka safar bhi ban nahin pata

ye kaise rabte hain

kursiyon se kursiyan milti hain

lekin darmiyani fasle mitte nahin