موسم خوشبو رنگ دھنک کے منظر سارے اس کے تھے

موسم خوشبو رنگ دھنک کے منظر سارے اس کے تھے

رات کی کالی چھایا میری چاند ستارے اس کے تھے

بیچ سمندر بخت ہمارا ساحل تک یہ آتا کب

موج ہوا پہ نام تھا اس کا دور کنارے اس کے تھے

سہمی سہمی گونگی بہری ایک گجریا میری تھی

ہنستے گاتے دھول اڑاتے راج دلارے اس کے تھے

اک چھوٹی سی چھت کی خاطر کیا کیا خواب گنوا بیٹھی

بھول گئی کہ اینٹیں اس کی مٹی گارے اس کے تھے

زنجیروں کے بدلے اب بھی گہنے پاتی ہوں جیسے

صدیوں سے یہ جبر کے بندھن بیچ ہمارے اس کے تھے

کتنی عجب تقسیم تبسمؔ کرتی ہے یہ دنیا بھی

میرا حصہ زہر ہلاہل امرت دھارے اس کے تھے

mausam khushbu rang dhanak ke manzar sare us ke the

rat ki kali chhaya meri chand sitare us ke the

bich samundar bakht hamara sahil tak ye ata kab

mauj hua pe nam tha us ka daur kinare us ke the

sahmi sahmi gungi bahri ek gajarya meri thi

hanste gate dhul urate raj dulare us ke the

ik chhoti si chhat ki khatir kya kya khwab ganwa baithi

bhul gai ke inten us ki mitti gare us ke the

zanjiron ke badle ab bhi gahne pati hun jaise

sadiyon se ye jabr ke bandhan bich hamare us ke the

kitni ajab taqsim tabassum karti hai ye duniya bhi

mera hissa zahr-e-halahal amrit dhare us ke the