کس نے دیکھا ہے اشکوں کو بہتے ہوئے

کس نے دیکھا ہے اشکوں کو بہتے ہوئے

سونے چاندی کے محلوں میں تم جا بسے

چاہتوں کی خوشی کا چلن چھوڑ کر

دل کی دل داریوں کی چبھن چھوڑ کر

اب یہ تم ہی کہو کون کس کا نہیں

کس کے در تک نہیں کیوں کسی کی جبیں

کس نے توڑا محبت کے پیمان کو

روگ سا لگ گیا روح کو جان کو

رنگ کی روپ کی پیار کی راحتیں

آج میرے لیے بن گئیں حسرتیں

جیسے ان سے کوئی واسطہ ہی نہ تھا

کس کے دامن سے اڑتی ہے بوئے وفا

کس لیے پیار کا نام بدنام ہے

کس لیے اس جہاں بھر میں کہرام ہے

کن رواجوں نے دنیا میں بس بو دئے

عشق کی دیویاں دیوتا رو دئے

تم ہی اپنے نہیں کس سے شکوے کریں

غیر کی آگ ہے اب جئیں یا مریں

اوڑھے پھرتے ہیں ہم حسرتوں کا کفن

ہو مبارک تمہیں ریشمی پیرہن

ہاں مگر عشق وہ ہے کہ جس کے لیے

اس کے غم میں نہ گائے کوئی مرثیے

جس سے حیران ہو زر بھی زردار بھی

تخت بھی تاج بھی اور تلوار بھی

دیکھو اے حسن و الفت کے مارو ادھر

جاں نوازو ادھر جاں نثارو ادھر

کوئی میری طرح پیار ہارے نہیں

حسن غیروں کی دنیا سنوارے نہیں

kis ne dekha hai ashkon ko bahte hue

sone chandi ke mahlon mein tum ja base

chahaton ki khushi ka chalan chhor kar

dil ki dil dariyon ki chubhan chhor kar

ab ye tum hi kaho kaun kis ka nahin

kis ke dar tak nahin kyun kisi ki jabin

kis ne tora mohabbat ke paiman ko

rog sa lag gaya ruh ko jan ko

rang ki rup ki pyar ki rahaten

aj mere liye ban gain hasraten

jaise un se koi wasta hi na tha

kis ke daman se urti hai bu-e-wafa

kis liye pyar ka nam badnam hai

kis liye is jahan bhar mein kohram hai

kin riwajon ne duniya mein bas bu diye

ishq ki dewiyan dewta ro diye

tum hi apne nahin kis se shikwe karen

ghair ki ag hai ab jiyen ya maren

orhe phirte hain ham hasraton ka kafan

ho mubarak tumhen reshmi pairahan

han magar ishq wo hai ke jis ke liye

us ke gham mein na gae koi marsiye

jis se hairan ho zar bhi zardar bhi

takht bhi taj bhi aur talwar bhi

dekho ai husn-o-ulfat ke maro idhar

jan nawazo idhar jan nisaro idhar

koi meri tarah pyar hare nahin

husn ghairon ki duniya sanware nahin