Arooz is now on the App Store, for iPhone and iPad. Download →

All poetry

وہ جس کے آنے ہی سے بزم روشنی سے بھر گئی

Madhav Jha (b. 1997)

وہ جس کے آنے ہی سے بزم روشنی سے بھر گئی

کہاں سے آئی تھی یہاں وہ کون تھی کدھر گئی

بدن بھلے حسین تھا مگر تو میرے وصل سے

ذرا تو دیکھ آئنے میں کس قدر نکھر گئی

ہر ایک شے ہوئی تباہ ہر کسی کا دل ہلاک

جدھر کہیں بھی ایک دفعہ حسن کی نظر گئی

میں فائلوں میں اس قدر کئی دنوں سے الجھا تھا

قضا بھی آئی انتظار کر کے تھک کے گھر گئی

امیر کے بیانوں کو ہی مانتے ہیں سچ سبھی

یہ مفلسی تو دیکھو میرا ہی شکار کر گئی

اگن بڑھانا چاہتا تھا ہجر کی میں جس قدر

ادھر بہار آئی اور وہ میرا کام کر گئی