جب ترے شہر و کوچہ و در سے

جب ترے شہر و کوچہ و در سے

زندگی سرگراں رہی تو نے

کوئی عہد وفا کی بات نا کی

تیرے کردار کے چراغوں میں

حسن جلتا رہا تقدس کا

وہ تقدس کہ جس کا سرمایہ

نور شائستگی و شرم و حیا

رفعت دلبری و رنگ حنا

شوخی و بے خودی و ناز و ادا

تو نے اپنی ہوس کی نذر کیا

پھر بھی تو مطمئن رہی کہ تری

فکر و فطرت کا بول بالا تھا

اس جہان خراب میں کہ جہاں

تیری فرعونیت کے چرچے تھے

میری دنیا پہ ایک وقت پڑا

صبحیں اپنا نکھار بھول گئیں

شامیں افسردگی کے نام ہوئیں

راتیں منہ ڈھانپ ڈھانپ کر روئیں

پھر بھی تجھ کو کوئی خبر نہ ہوئی

وقت گزرا گزرنے والا تھا

وقت نے کب کسی کا ساتھ دیا

اے مری آج کی قلو پطرہ

اور اب جب کہ زندگی کے لئے

کوئی فکر نشاط و غم بھی نہیں

اپنی چاہت کا واسطہ دے کر

اب مجھے کیوں بلا رہی ہے تو

جب ترے شہر و کوچہ و در سے

زندگی سرگراں رہی تو نے

کوئی عہد وفا کی بات نہ کی

jab tire shahr-o-kucha-o-dar se

zindagi sargiran rahi tu ne

koi ahd-e-wafa ki bat na ki

tere kirdar ke charaghon mein

husn jalta raha taqaddus ka

wo taqaddus ke jis ka sarmaya

nur-e-shaistagi-o-sharm-o-haya

rifat-e-dilbari-o-rang-e-hina

shokhi-o-be khudi-o-naz-o-ada

tu ne apni hawas ki nazr kiya

phir bhi to mutmain rahi ke tiri

fikr-o-fitrat ka bol bala tha

is jahan-e-kharab mein ke jahan

teri firauniyat ke charche the

meri duniya pe ek waqt para

subhen apna nikhar bhul gain

shamen afsurdagi ke nam huin

raten munh dhanp dhanp kar roen

phir bhi tujh ko koi khabar na hui

waqt guzra guzarne wala tha

waqt ne kab kisi ka sath diya

ai miri aj ki qulo patra

aur ab jab ke zindagi ke liye

koi fikr-e-nishat-o-gham bhi nahin

apni chahat ka wasta de kar

ab mujhe kyun bala rahi hai tu

jab tire shahr-o-kucha-o-dar se

zindagi sargiran rahi tu ne

koi ahd-e-wafa ki bat na ki