بند اٹیچی میں

بند اٹیچی میں

پڑا ہوا مل جاتا ہے

پرانے کوٹ کی جیب میں

ہاتھ ڈالتے ہی باہر آ جاتا ہے

پرانی فائیلوں سے جھانکتا ہے

شہر کی سڑکوں پر چلتے ہوئے

اجنبی ہونٹوں پر رقص کرتا ہے

آئینے کے سامنے آتے ہی

نظر آتا ہے

وہ میری آنکھوں میں چمکتا ہے

اب بھی میرے سینے میں

دھڑکتا ہے

میں اس کا وجود مٹا نہیں سکتا

میں اسے بھلا نہیں سکتا

band atechi mein

para hua mil jata hai

purane kot ki jeb mein

hath dalte hi bahar a jata hai

purani failon se jhankta hai

shahr ki sarkon par chalte hue

ajnabi honton par raqs karta hai

aine ke samne ate hi

nazar ata hai

wo meri ankhon mein chamakta hai

ab bhi mere sine mein

dharakta hai

main us ka wajud mita nahin sakta

main use bhala nahin sakta