کھلے نیلے آکاش کی کترن

کھلے نیلے آکاش کی کترن

پیراہن خواب کی دھجیاں

شیشۂ دل دل کی کرچیاں

ریشمی جسموں کی اترن

داستان عشق کے پریشاں اوراق

وصال یار کے کٹے پھٹے اور باسی اخبار

رسوائی کی دیواروں کے گندے اشتہار

میلا کچیلا درد

پھٹا پرانا فراق

حسن و رعنائی کے شکستہ جام

بھولے بسرے نام

گہری کالی آنکھوں کے بجھے چراغ

دامن یاد کے بد نما داغ

ساری چیزیں بے حس دنیا نے

مجھ کو کوڑے‌ دان سمجھ کر

میرے اندر

ڈال دی ہیں

khule nile akash ki katran

pairahan khwab ki dhajjiyan

shisha-e-dil dil ki kirchiyan

reshmi jismon ki utran

dastan-e-ishq ke pareshan auraq

wisal-e-yar ke kate phate aur basi akhbar

ruswai ki diwaron ke gande ishtihar

maila kuchaila dard

phata purana firaq

husn-o-raanai ke shikasta jam

bhule basre nam

gahri kali ankhon ke bujhe charagh

daman yad ke bad numa dagh

sari chizen be his duniya ne

mujh ko kore dan samajh kar

mere andar

dal di hain