Arooz is now on the App Store, for iPhone and iPad. Download →

All poetry

خالی گلاس کے مقدر میں

Ehtisham Akhtar (b. 1944)

خالی گلاس کے مقدر میں

ہونٹوں کا لمس ہاتھوں کی نرمی کہاں

شبنم روتی ہے اسے فنا کا غم ہے

لمس کی قیمت کا احساس نہیں ہے اس کو

پھولوں کی آغوش میں موت بھی

حسین ہو جاتی ہے زندگی کی طرح

خوش قسمت ہیں وہ لفافے

جن پر ثبت ہوتی ہے مہر

حسین لبوں کی

مجھے بھی کوئی چھو لے

مجھے بھی کوئی پی لے

میں پھر ٹوٹ پھوٹ جاؤں گا

خالی گلاس کے مقدر میں مگر

ہونٹوں کا لمس ہاتھوں کی نرمی کہاں