نہ ہی رنج ہے نہ ملال ہے

نہ ہی رنج ہے نہ ملال ہے

تیرے ہجر کا یہ کمال ہے

میں بیاں کروں اسے کس قدر

تیرے بن جو گزرا یہ سال ہے

وہ جو آج چل رہے کجروی

یہ تو دشمنوں کی سی چال ہے

میں بھٹک رہا یوں ہی در بہ در

تیرے عشق ہی میں یہ حال ہے

کوئی زخم دے نہ سوا ترے

ترا ایسا ہی تو خیال ہے

na hi ranj hai na malal hai

tere hijr ka ye kamal hai

main bayan karun use kis qadar

tere bin jo guzra ye sal hai

wo jo aj chal rahe kajrawi

ye to dushmanon ki si chal hai

main bhatak raha yun hi dar ba dar

tere ishq hi mein ye hal hai

koi zakhm de na siwa tire

tira aisa hi to khayal hai