دھول سے اٹے کولتار زدہ راستو

دھول سے اٹے کولتار زدہ راستو

میں پھر آؤں گا

آسودہ محبت کی زندگی کی طرح

تر و تازہ اور جوان آسمان

تیری دھلی ہوئی شاداب نیلاہٹ کو پینے کے لئے

شفیق دھرتی کے دامن میں آسودہ سبزۂ خود رو

تیری شبنم کے قطروں سے

اپنے بدن کے اضمحلال کو دھونے کے لئے

میں پھر آؤں گا

اے میرے ننھے منے دوست اسلم

تیری آنکھوں میں تیرتی ہوئی گیلی شرارت کو

ہنسانے کے لئے

تیرے کمرے کی بے نیاز دیواروں سے باتیں کرنے کے لئے

میں پھر آؤں گا

کمرے میں شور مچانے والی مغربی ہوا کی سیمابیت کو

چھونے کے لئے

میں پھر آؤں گا

زہرہ شیلا اور گیتا کے ہاں اپنی تنہائی کو بھلانے کے لئے

جانے والی معصوم لڑکی

تیری اداسی کو پینے کے لئے

میں پھر آؤں گا

میں پھر آؤں گا کہ میں بھی زمین کی طرح

ایک محور پر گھوم رہا ہوں

dhul se ate koltar zada rasto

main phir aunga

asuda mohabbat ki zindagi ki tarah

tar-o-taza aur jawan asman

teri dhuli hui shadab nilahat ko pine ke liye

shafiq dharti ke daman mein asuda sabza-e-khud ro

teri shabnam ke qatron se

apne badan ke izmehlal ko dhone ke liye

main phir aunga

ai mere nanhe mane dost islam

teri ankhon mein tairti hui gili shararat ko

hansane ke liye

tere kamre ki be niyaz diwaron se baten karne ke liye

main phir aunga

kamre mein shor machane wali maghribi hawa ki simabit ko

chhune ke liye

main phir aunga

zohra shila aur gita ke han apni tanhai ko bhulane ke liye

jane wali maasum larki

teri udasi ko pine ke liye

main phir aunga

main phir aunga ke main bhi zamin ki tarah

ek mehwar par ghum raha hun