Arooz is now on the App Store, for iPhone and iPad. Download →

All poetry

قہقہے ہواؤں میں بکھر گئے

Ehtisham Akhtar (b. 1944)

قہقہے ہواؤں میں بکھر گئے

کرسیاں اور ٹیبلیں

ویران ہو گئیں

شام پھر اداس ہو گئی

ایک بے نام سوچ میں

ڈوب گئی

جیسے گھر کے کوڑے‌ دان میں

مڑی تڑی سی کوئی چیز

مل گئی

جیسے چلتے چلتے راہ میں

کوئی بات

یاد آ گئی

خالی ہیں گلاس

خالی ہیں بوتلیں

زندگی بھی خالی ہے

خالی بوتلوں کی طرح

شام پھر اداس ہو گئی

ایک بے نام سوچ میں

ڈوب گئی