Arooz is now on the App Store, for iPhone and iPad. Download →

All poetry

ٹوٹی ہوئی بوتل کی طرح

Ehtisham Akhtar (b. 1944)

ٹوٹی ہوئی بوتل کی طرح

بے کار بے مقصد

زندگی کے طاق میں

رکھا ہوا ہوں میں

وہ کون تھا جو چھوڑ گیا

میرے وجود کے شیشے پر

اپنی لہو رنگ یادوں کے

نشاں

اس سے پہلے کہ بارش

ان نشانات کو دھو ڈالے

میں ریزہ ریزہ ہو جاؤں

فرش پر بکھر جاؤں

وقت کے پیروں میں چبھ جاؤں

فرش زمیں کو رنگیں کر دوں

اور خود بھی رنگیں ہو جاؤں