اک نئے دور کا آغاز ہوا

اک نئے دور کا آغاز ہوا

در آشفتہ سری باز ہوا

نا شکیبائی کی چلتی ہے ہوا

بے یقینی کی ابھرتی ہے صدا

آئے منڈلاتے ہوئے ابر شعور

لیے ہم راہ خیالات جسور

منتظر شوق ہے بے چین نڈھال

جانے کب موسم باراں آئے

ہائے تبدیلی موسم کی امید

رنگ لائے ہے بتدریج جنوں

ٹوٹنے والا ہے ہر ایک فسوں

ہاں خداؤں کی خدائی کا فسوں

کج دماغوں کی بڑائی کا فسوں

آ نئے دور تجھے چوم تو لوں

ik nae daur ka aghaz hua

dar-e-ashufta siri baz hua

na shakebai ki chalti hai hawa

be yaqini ki ubharti hai sada

ae mandlate hue abr-e-shuur

liye ham rah khayalat-e-jasur

muntazir shauq hai be chain nidhal

jane kab mausam-e-baran ae

hae tabdili mausam ki umid

rang lae hai batadrij-e-junun

tutne wala hai har ek fusun

han khudaon ki khudai ka fusun

kaj dimaghon ki barai ka fusun

a nae daur tujhe chum to lun