زیست یوں ہی نہ رہے گی مغموم

زیست یوں ہی نہ رہے گی مغموم

زندگانی کو بدلنا ہوگا

لاکھ آمادۂ سازش ہے یہ شب

اس شب تیرہ کو ڈھلنا ہوگا

موت کا سایہ لرزتا ہے تو کیا

وقت آلام کو لایا ہے تو کیا

نامۂ درد جو آیا ہے تو کیا

غم کو سہہ جائیں دلاور بن کر

پی لیں دریا کو سمندر بن کر

غم تو آتے ہی رہیں گے پیہم

آتے جاتے ہی رہیں گے ہر دم

زخم خود پیدا کریں گے مرہم

غم و اندوہ کی کچھ بات نہیں

یہ کوئی لمحۂ ہیہات نہیں

عزم پرواز نہ دینے پائے

اپنی آواز نہ دینے پائے

رات تاریک بھی سنسان بھی ہے

عزم کے گیت تو گائیں آؤ

شب دیجور کو روشن تو کریں

شمع امید جلائیں آؤ

zist yun hi na rahegi maghmum

zindagani ko badalna hoga

lakh amada-e-sazish hai ye shab

is shab-e-tira ko dhalna hoga

maut ka saya larazta hai to kya

waqt-e-alam ko laya hai to kya

nama-e-dard jo aya hai to kya

gham ko sah jaen dilawar ban kar

pi len dariya ko samundar ban kar

gham to ate hi rahenge paiham

ate jate hi rahenge har dam

zakhm khud paida karenge marham

gham-o-andoh ki kuchh bat nahin

ye koi lamha-e-hehat nahin

azm-e-parwaz na dene pae

apni awaz na dene pae

rat tarik bhi sunsan bhi hai

azm ke git to gaen ao

shab-e-dijaur ko raushan to karen

sham-e-ummid jalaen ao