زندگی اترا رہی ہے آج تیرے نام پر

زندگی اترا رہی ہے آج تیرے نام پر

ناز ہے پیغمبروں کو بھی ترے پیغام پر

رہبر انسانیت تیری عقیدت کے طفیل

ہم نے غلبہ پا لیا ہے گردش ایام پر

میرے دل کی وسعتیں انگڑائیاں لینے لگیں

جلوہ دیکھا جب ترا ہر موڑ پر ہر گام پر

کیوں نہ ہو پھر عاقبت کی فکر سے وہ بے نیاز

زندگی قربان کر دی جس نے تیرے نام پر

موجزن ہے جس میں اے چرخ اک سرور سرمدی

میری دنیا ہے تصدق اس چھلکتے جام پر

zindagi utra rahi hai aj tere nam par

naz hai paighambaron ko bhi tire paigham par

rahbar-e-insaniyat teri aqidat ke tufail

ham ne ghalba pa liya hai gardish-e-ayyam par

mere dil ki wusaten angraiyan lene lagen

jalwa dekha jab tira har mor par har gam par

kyun na ho phir aqibat ki fikr se wo be niyaz

zindagi qurban kar di jis ne tere nam par

maujzan hai jis mein ai charkh ik surur-e-sarmadi

meri duniya hai tasadduq is chhalakte jam par