زندگی اترا رہی ہے آج تیرے نام پر

زندگی اترا رہی ہے آج تیرے نام پر

ناز ہے پیغمبروں کو بھی ترے پیغام پر

رہبر انسانیت تیری عقیدت کے طفیل

ہم نے غلبہ پا لیا ہے گردش ایام پر

میرے دل کی وسعتیں انگڑائیاں لینے لگیں

جلوہ دیکھا جب ترا ہر موڑ پر ہر گام پر

کیوں نہ ہو پھر عاقبت کی فکر سے وہ بے نیاز

زندگی قربان کر دی جس نے تیرے نام پر

موجزن ہے جس میں اے چرخ اک سرور سرمدی

میری دنیا ہے تصدق اس چھلکتے جام پر