سچ بتانا کہ میرے بن جاناں

سچ بتانا کہ میرے بن جاناں

کیسے کٹتے ہیں تیرے دن جاناں

کس کے بازو پہ اب چبھاؤ گی

اپنے اسکارف کا وہ پن جاناں

عشق کے امتحاں سے گزروں گا

پرچے ہوں جس قدر کٹھن جاناں

حکم پر حکم نا مناسب ہے

تیرا عاشق نہیں ہے جن جاناں

تل کی تعداد جاننی ہے تجھے

موند لے آنکھ بوسے گن جاناں

ہاتھ جب تھام ہی لئے اس کے

پھر یہ بستر پہ کیسا گھن جاناں

sach batana ke mere bin janan

kaise katte hain tere din janan

kis ke bazu pe ab chubhaogi

apne iskarf ka wo pan janan

ishq ke imtihan se guzrunga

parche hun jis qadar kathin janan

hukm par hukm na munasib hai

tera ashiq nahin hai jin janan

til ki taadad janni hai tujhe

mund le ankh bose gin janan

hath jab tham hi liye us ke

phir ye bistar pe kaisa ghin janan