اوم کا جھنڈا فضاؤں میں اڑاتا آیا

اوم کا جھنڈا فضاؤں میں اڑاتا آیا

اسے تہذیب کا سرتاج بناتا آیا

جس سے ہر قوم کی تقدیر بنا کرتی ہے

ہمیں اخلاق کا وہ درس سکھاتا آیا

آتما صاف ہوا کرتی ہے جن جذبوں سے

مشعل‌ راہ انہی جذبوں کو بناتا آیا

ہم دیانند کو کہتے ہیں پیمبر لیکن

خود کو وہ قوم کا سیوک ہی بتاتا آیا

آریہ ورت کا روشن تریں مینار تھا وہ

روشنی سارے زمانے کو دکھاتا آیا

قوم کو شدھی کی تعلیم کا عنواں دے کر

قوم کو غیر کے پنجے سے چھڑاتا آیا

بھائی چارے سے محبت سے رواداری سے

قوم کو جینے کا انداز سکھاتا آیا

اپنی تہذیب جسے لوگ بھلا بیٹھے تھے

وید منتر سے وہی یاد دلاتا آیا

شاستر اور وید کے منتر کا اچارن کر کے

عہد ماضی کا اک آئینہ دکھاتا آیا

گھور اندھ کار تھا اگیان کا جاری ہر سو

گیان اگیان کے انتر کو مٹاتا آیا

کفر و باطل کے اڑے ہاتھوں کے طوطے اے چرخؔ

حق پرستی کا وہ یوں ڈنکا بجاتا آیا

om ka jhanda fazaon mein urata aya

use tahzib ka sartaj banata aya

jis se har qaum ki taqdir bana karti hai

hamen akhlaq ka wo dars sikhata aya

atma saf hua karti hai jin jazbon se

mashal-e-rah unhi jazbon ko banata aya

ham diyanand ko kahte hain payambar lekin

khud ko wo qaum ka sewak hi batata aya

arya warat ka raushan tiren minar tha wo

raushni sare zamane ko dikhata aya

qaum ko shuddhi ki taalim ka unwan de kar

qaum ko ghair ke panje se chhurata aya

bhai chare se mohabbat se rawadari se

qaum ko jine ka andaz sikhata aya

apni tahzib jise log bhula baithe the

wed mantar se wahi yad dilata aya

shastar aur wed ke mantar ka acharan kar ke

ahd-e-mazi ka ik aina dikhata aya

ghur andha kar tha aggiyan ka jari har su

giyan aggiyan ke antar ko mitata aya

kufr-o-batil ke ure hathon ke tote ai charkh

haq parasti ka wo yun danka bajata aya