زیست کا ترجماں ہے میرا کرشن

زیست کا ترجماں ہے میرا کرشن

یعنی جان جہاں ہے میرا کرشن

ہے وہی مالک فنا و بقا

والئ دو جہاں ہے میرا کرشن

آپ جادہ ہے آپ منزل ہے

یعنی منزل نشاں ہے میرا کرشن

میری منزل قریب تر کر دی

روکش رہبراں ہے میرا کرشن

باغ ایماں کو تازگی بخشی

نازش گلستاں ہے میرا کرشن

میری دنیا سنوار دی اس نے

میری روح رواں ہے میرا کرشن

فکر دنیا و عاقبت ہی نہیں

ضامن دو جہاں ہے میرا کرشن

zist ka tarjuman hai mera krishn

yaani jan-e-jahan hai mera krishn

hai wahi malik-e-fana-o-baqa

wali-e-do jahan hai mera krishn

ap jada hai ap manzil hai

yaani manzil nishan hai mera krishn

meri manzil qarib tar kar di

rukash-e-rahbaran hai mera krishn

bagh-e-iman ko tazgi bakhshi

nazish-e-gulsitan hai mera krishn

meri duniya sanwar di us ne

meri ruh-e-rawan hai mera krishn

fikr-e-duniya-o-aqibat hi nahin

zamin do jahan hai mera krishn