جل رہے ہیں دئے منڈیروں پر

جل رہے ہیں دئے منڈیروں پر

ہو رہا ہے کرم اندھیروں پر

تم جو بن کر کرن کرن آؤ

داغ دل بھی ہنسیں سویروں پر

مسکراتی ہوئی چلی آؤ

دل سلگتا ہے داغ جلتے ہیں

چھنچھناتی ہوئی چلی آؤ

آرزوؤں کے باغ جلتے ہیں

ہن کی دیوی ہو تم مرے گھر میں

روز دیوالی غم زدہ گھر میں

ہن لٹاتی ہوئی چلی آؤ

آنسوؤں کے چراغ جلتے ہیں

جس کو کہتے ہیں لوگ دیوالی

اونچے آدرش کی نشانی ہے

باپ دادوں کے پاک جیون کی

ایک عظمت بھری کہانی ہے

jal rahe hain diye munderon par

ho raha hai karam andheron par

tum jo ban kar kiran kiran ao

dagh-e-dil bhi hansen saweron par

muskurati hui chali ao

dil sulagta hai dagh jalte hain

chhanchhanati hui chali ao

arzuon ke bagh jalte hain

han ki dewi ho tum mire ghar mein

roz diwali gham zada ghar mein

han lutati hui chali ao

ansuon ke charagh jalte hain

jis ko kahte hain log diwali

unche adarsh ki nishani hai

bap dadon ke pak jiwan ki

ek azmat bhari kahani hai